Ministri i Administratës Publike Marash Dukaj ka takuar sot ambasadorin e Republikës së Maqedonisë së Veriut në Mal të Zi Mihajlo Trpkoski, i cili e informoi për prioritetet në punën e ardhshme të Ministrisë së Administratës Publike, e cila është e orientuar drejt qytetarëve, si dhe vizionet e dixhitalizimit dhe reformave të administratës publike. Sipas deklaratës, ministri theksoi se përvoja e Maqedonisë në fushën e shërbimeve publike digjitale është shembull i praktikës së mirë, kështu që në periudhën e ardhshme duhet të vazhdojmë të bashkëpunojmë në përputhje me marrëveshjet e nënshkruara më parë. Trpkoski tha se Maqedonia e Veriut do të vazhdojë të ofrojë mbështetje për Malin e Zi në të gjitha nivelet, veçanërisht në fushën e reformës së administratës publike dhe digjitalizimit, përmes zbatimit të programeve dhe projekteve të përbashkëta, në mënyrë që të kontribuojë në zhvillimin më të fuqishëm digjital të vendeve.
