Mali i Zi dënon ashpër agresionin ushtarak të Rusisë kundër Ukrainës, tha presidenti i Malit të Zi Millo Gjukanoviq. Me rastin e sulmit rus ndaj Ukrainës, ka folur kryeministri i Malit të Zi në mandatin teknik, Zdravko Krivokapiq. Ai tha në Twitter se po lutej për të gjitha viktimat në Ukrainë, që familjet të shpëtojnë dhe fëmijët që qajnë të kthehen në shtëpitë e tyre. Zëvendëskryeministri, Dritan Abazoviq, tha se i vjen keq që Rusia ka zgjedhur luftën në shekullin 21 dhe tha se Mali i Zi ëqendron forte me Ukrainën. “Ne qëndrojmë me vendosmëri me Ukrainën dhe partnerët tanë në BE dhe NATO. Ne lutemi për paqe,” shkroi Abazoviq. Shtetet e Bashkuara të Amerikës (SHBA) dënojnë ashpër sulmin e paprovokuar të Rusisë ndaj Ukrainës, tha ambasadorja amerikane në Mal të Zi, Judy Raising Reinke. Ajo ka deklaruar në Twitter se sot është një ditë e tmerrshme për të gjithë Evropën. Rreth 30 qytetarë të Ukrainës janë mbledhur sot para Ambasadës Ruse në Podgoricë, për të protestuar kundër operacionit ushtarak që Rusia ka nisur kundër Ukrainës.
