Vaksinimi i grupeve prioritare në Malin e Zi do të bëhet në rreth 40 pika, gjashtë prej të cilave do të jenë në kryeqytet, shkruan Vijesti, duke deklaruar se Instituti Malazez i Barnave dhe Pajisjeve Mjekësore ka dhënë pëlqimin e tij për importin e vaksinës Sputnik V. Në nivelin primar të kujdesit shëndetësor, pra 18 qendra shëndetësore, qytetarët do të vaksinohen në rreth 30 pika. Do të ketë tre ose katër pika vaksinimi në Tivar, dy në Ulqin, gjashtë në Podgoricë, njëra prej të cilave do të jetë në Gollubovc dhe Tuz, shkruan Vijesti. Secili nga spitalet e përgjithshme, shtatë prej tyre, do të vaksinojnë punonjësit e tyre dhe pas imunizimit të grupeve prioritare, të cilat përfshijnë punonjës shëndetësorë, të moshuar, përdorues të shtëpive të të moshuarve, përfaqësues të shërbimeve jetësore, do të konsiderojnë hapjen e disa pikave për vaksinimin masiv.
