PENSIONET NË MZ, KËTË VIT DY PËRQIND MË TË LARTA

Pensionet në Mal të Zi, do të jenë dy për qind më të larta këtë vit.

Kështu vendosi sot Këshilli drejtues i Fondi për sigurim pensional dhe invalidor të MZ.

Drejtori i Fondit për sigurim pensional dhe invalidor, Dushan Peroviq, deklaroi për Radio të Malit të Zi se kjo do të rrisë fondet nga buxheti i Fondit për tetë milionë euro.

Ai kujtoi se këto para do të përfshihen në buxhetin e këtij viti të këtij institucioni. “Meqenëse buxheti i Fondit për këtë vit është 432 milionë euro në nivel vjetor, për shkak të kësaj rritjeje të pensioneve, do të duhen rreth 8 milionë euro. Megjithatë, ky alokim tashmë është buxhetuar në buxhetin e këtij viti”, deklaroi Peroviq.

SHARE