Heshtja parazgjedhore para zgjedhjeve të planifikuara për më 30 gusht fillon sonte në mesnatë. Këto janë të njëmbëdhjetat që nga futja e sistemit shumëpartiak në Malin e Zi dhe e pesta që nga fitimi i pavarësisë. Përveç zgjedhjeve parlamentare, zgjedhjet lokale po mbahen në Kotor, Budva, Tivat, Andrijevicë dhe Guci. Urdhri i Ministrisë së Shëndetësisë, i cili rregullon mënyrën e votimit për disa kategori të popullatës, parashikon që votuesit që janë në izolim të shkojnë në votime në një kohë të veçantë, ndërsa ata që janë në spital, votojnë me letër, dhe janë të detyruar të respektojnë të gjitha masat.
