Ministri i Bujqësisë, Pylltarisë dhe Menaxhimit të Ujërave, Vladimir Jokoviq, u bëri thirrje të gjithë ullitarëve që të shfrytëzojnë sa më shumë subvencionet bujqësore dhe të gjitha shoqatat të bashkohen në një shoqatë kombëtare të ullitarëve. Jokoviq hapi sot në Tivarin e Vjetër edicionin jubilar të 20-të të Festivalit të Ullirit, duke kujtuar se në Mal të Zi thonë “Ulliri është si nëna, dhe hardhia si një vajzë”. Siç tha ai, ulliri, i cili ka qenë gjithmonë i pranishëm në historinë dhe traditën tonë, ndoshta i lënë pas dore në një moment, ka filluar të kthehet në vendin që i përkiste gjithmonë. Në hapjen e Festivalit të Ullirit morën pjesë edhe kryeministri Dritan Abazoviq, ministri i Zhvillimit Ekonomik dhe Turizmit Goran Gjuroviq, ministri i Sportit dhe Rinisë Vasilije Llallosheviq, ministri i Shëndetësisë Dragoslav Shqekiq dhe kryetari i Komunës së Ulqinit Omer Bajraktari.
