Foto: Kuvendi i Malit të Zi / Skupština Crne Gore
Kolegjiumi i Kryetarit të Kuvendit është mbajtur sot para fillimit të seancës së Kuvendit kushtuar Orës së Kryeministrit.
Seancën e Kolegjiumit e caktoi kryetari i Kuvendit të Malit të Zi, Andrija Mandiq, në seancën e Kuvendit në prag të Orës së Kryeministrit.
“Sot është ora e kryeministrit. Sot në mëngjes si mazhorancë parlamentare diskutuam për zbatimin e Rregullores së Punës dhe më besoni deri në këtë moment kemi arritur të vëmë re disa nga gjërat që ka vënë në dukje opozita, por sapo keni marrë përgjigjet e kryeministrit. Unë do t’i lus deputetët të lexojnë përgjigjet e dërguara nga kryeministri dhe po caktoj një kolegjium të shkurtër që nuk do të zgjasë më shumë se 15 minuta”, tha Mandiq në seancën para kolegjiumit të kryeparlamentarit.
Ora e kryeministrit ishte menduar të fillonte në orën 12 të mesditës dhe filloi rreth orës 13:30.
Ditët e fundit opozita ka kritikuar faktin se disa nga deputetët e tyre janë penguar t’i bëjnë pyetje kryeministrit Millojko Spajiq gjatë orës së sotme të kryeministrit.
