Aeroportet e Malit të Zi kanë shërbyer dy milionë pasagjerë nga 1 janari deri të shtunën, 23 shtator.
“Ky rezultat është i pritshëm duke pasur parasysh se gjatë muajit gusht, Podgorica është lidhur me deri në 40 destinacione, ndërsa Tivati me 39 destinacione”, tha zëvendësdrejtori ekzekutiv i Aeroporteve të Malit të Zi, Petar Radulloviq.
Ai shpjegoi se në Aeroportin e Podgoricës deri më sot janë shërbyer gjithsej 1.286.364 pasagjerë, ndërsa në Aeroportin e Tivatit janë shërbyer 730.722 pasagjerë.
Sa i përket pjesëmarrjes së vendeve në trafikun e pasagjerëve në aeroportet e Malit të Zi, veçohen Serbia dhe Turqia, të ndjekura nga Polonia dhe Austria, si dhe Britania e Madhe dhe Gjermania.
