Foto: Qeveria e Malit të Zi / Vlada Crne Gore
Ministria e Administratës Publike ka marrë një opinion pozitiv në parim nga KE për Ligjin për nëpunësit civilë dhe të punësuarit, që është një sukses i madh për departamentin e tyre dhe kthim në praktikën e transparencës, besueshmërisë dhe respektimit të praktikave evropiane, njoftoi ministri i Administratës Publike, Marash Dukaj.
“Ne morëm rekomandime të dobishme në lidhje me nivelin e kualifikimeve arsimore për pozitat individuale, statusin e inspektorëve dhe vazhdimësinë e mandatit të menaxhmentit të lartë”, theksoi ai.
Ai rikujtoi se ky ligj, për shkak të ndryshimeve të shpeshta, dhe në periudhën e kaluar pa procedurat dhe transparencën e nevojshme, ishte objekt i kritikave nga BE-ja, por edhe nga institucionet e shoqërisë civile në Mal të Zi.
“E sigurojmë opinionin se Ministria e Administratës Publike do të harmonizojë të gjitha rekomandimet në masën më të madhe të mundshme me opinionin e KE-së dhe shumë shpejt do ta dërgojë ligjin për procedurë të mëtutjeshme në Qeveri dhe Kuvend”, tha Dukaj.
