Ministrat e Energjisë së BE-së do të takohen të enjten në Bruksel për të miratuar paketën më të fundit të masave emergjente për të zbutur një krizë energjetike. Reuters raporton se planet kanë shumë ngjasa që të mos miratohen për shkak edhe të mosmarrëveshjeve midis shteteve anëtare. Në tryezë gjithashtu janë edhe disa projektligje të reja për burimet e rinovueshme të energjisë dhe për të nisur blerjet e përbashkëta të gazit për 27 vendet e BE. Polonia, Belgjika, Italia dhe Greqia kanë kërcënuar se do t’i bllokojnë këto nëse paketa nuk përmban gjithashtu një kufi të çmimit të gazit. Megjithatë, Gjermania kundërshton një kufizim, duke thënë se kjo do t’i shtynte furnitorët të shesin diku tjetër dhe me gjasë mund të rrezikojë furnizimet për vitin e ardhshëm. Me uljen e temperaturave në kontinent përpara dimrit, paketat e mëparshme për krizën energjetike nuk kanë marrë votat unanime nga shtetet anëtare. Muajin e kaluar gjatë samitit të mbajtur në Bruksel Komisioni kërkoi miratimin e vendeve të BE-së për një projekt-propozim për të vendosur një “çmim maksimal dinamik” të përkohshëm për tregtitë në qendrën holandeze të gazit të Transferimit Titullit i cili shërben si një çmim standard për tregtimin evropian të gazit. Përkrahësit e kufirit të çmimit thonë se standardi nuk pasqyron realitetin e shumicës së blerjeve të gazit nga BE. Komisioni do të ketë fuqinë të pezullojë menjëherë kufirin nëse ai do të sjellë pasoja negative të padëshiruara për bllokun, duke përfshirë sigurinë e furnizimeve. Pavarësisht nga pakësimi i furnizimeve të gazsjellësit rus, gazi holandez pikë referimi për çmimet evropiane ka rënë me 67% dhe është në nivelin më të ulët që nga mesi i qershorit. Për këtë arsye një pjesë e madhe e shteteve anëtare të bllokut kanë përmbushur objektivat e tyre duke rimbushur vendet e depozitimit. Objektet e magazinimit janë aktualisht plot 93%, krahasuar me 77% këtë herë vitin e kaluar, tregojnë të dhënat e Gas Infrastructure Europe.
