Që nga data 1 mars 2024, Qendra Shëndetësore e Kryeqytetit ka nisur ekzaminimet sistematike të detyrueshme të fëmijëve për regjistrim në klasën e parë të shkollave fillore.
“Ekzaminimet janë të detyrueshme për të gjithë fëmijët e lindur në vitin 2018 dhe kryhen nga një pediatër i përzgjedhur në një takim të caktuar më parë. Të gjithë prindërit dhe kujdestarët të cilët nuk kanë planifikuar ende ekzaminime sistematike të fëmijëve të tyre janë të thirrur t’i caktojnë ato me pediatër të përzgjedhur. Ekzaminimet mund të caktohen me telefon ose direkt me infermierët në Qendrën Shëndetësore,“ bëjnë të ditur nga Qendra Shëndetësore e Kryeqytetit.
Ekzaminimi sistematik përfshin matjet bazë antropometrike, d.m.th matjen e masës trupore dhe lartësisë trupore dhe futjen e të dhënave të marra në grafikët e rritjes, për të vlerësuar nëse fëmija pesha dhe gjatësia e tij devijojnë nga ajo që pritet për moshën dhe gjininë e tij. Bëhet një ekzaminim i plotë i fëmijës për të gjitha sistemet e organeve, vlerësohet gjendja e shikimit, dëgjimit dhe të folurit, pjekuria emocionale dhe njohëse e fëmijës, si dhe aftësitë grafomotore.
“Nëse pas ekzaminimit vlerësohet se ka nevojë për konsultë shtesë, fëmija referohet në ekzaminime të tjera specialistike dhe subspecialiste”, thuhet në njoftim.
