Ministrja e Shëndetësisë, Jelena Boroviniq Bojoviq, tha se masat e reja epidemiologjike mundësojnë lejimin e dasmave, festimeve dhe ditëlindjeve, poashtu është mundësuar edhe ndjekja e ngjarjeve sportive. Ambientet e hotelerisë do të jenë të hapura pas mesnate gjatë festave të Vitit të Ri, deri më 3 janar. Nuk do të ketë kufizime në punën e objekteve të hotelierisë as për Krishtlindjet katolike dhe ortodokse. Ministrja në konferencën për media tha se Omicron-i është konfirmuar në Mal të Zi, por sistemi shëndetësor është gati. Ajo falënderoi qytetarët me mbështetjen e të cilëve janë arritur rezultate më të mira. “Doza e tretë e vaksinës është mbrojtje shtesë kundër llojit të ri Omicron dhe ne do të insistojmë në certifikatat e Covidit. Është e rëndësishme të informojmë se Mali i Zi është në radhë për të blerë barna të reja,” tha ajo. Masat e reja mundësojnë organizimin e dasmave dhe ditëlindjeve në ambientet e hotelierisë me zotërimin e të paktën një prej elementeve të certifikatës së COVID, në prani të deri 100 personave, në mënyrë që në 4m2 të hapësirës së objektit të ketë një mysafir. Prania e audiencës në aktivitetet sportive në ambiente të mbyllura dhe të hapura është e mundur me të paktën një nga elementët e certifikatës COVID, me një numër të kufizuar spektatorësh në një të tretën e vendeve të disponueshme, në mënyrë që të ketë dy vende bosh midis çdo spektatori. Ajo kujtoi gjithashtu se është obligim i të gjitha objekteve hotelierike dhe institucioneve të tjera ku lejohet hyrja me certifikatë nga COVID të përcaktojnë personin që do të kryejë kontrollin dhe të jetë përgjegjës për respektimin e këtyre masave. Masat janë të vlefshme deri më 12 janar. Drejtori i Institutit të Shëndetit Publik, Igor Galliq, tha se në të gjitha qytetet numri i të sëmurëve ka rënë për 33 për qind, ndërsa numri i vdekjeve është ulur për 40 për qind. “Megjithatë, ne këshillojmë kujdes të veçantë për qytetarët e Tivatit, Kotorrit, Herceg Novit, Budvës, Cetijës, Podgoricës, sepse shkalla e sëmundjes në ato qytete është ende e lartë”, tha Galliq. Nga numri i përgjithshëm i të vdekurve, të pavaksinuarit, për fat të keq, përbëjnë mbi 75 për qind. “Ftojmë qytetarët që janë pa vonesë, ndër të parët, që gjatë pranverës vendosën të mbrohen për të marrë tani dozën e tretë. Është koha e duhur që ata që janë rivaksinuar në maj, qershor, korrik dhe gusht të marrin një dozë përforcuese dhe të hyjnë në pushime më të sigurta”, tha ai.
