Një pikturë e Mark Rothkos nga viti 1957, e titulluar “Nr. 22 (Reds)”, u shit për rreth 70 milionë dollarë në fund të shkurtit. Sigurisht një shumë e madhe kjo parash për një vepër arti, por nuk bën pjes; as mes 30 pikturave më të shtrenjta ndonjëherë të shitura në botë.Lexo po ashtu:Dhjetë pikturat më të kërkuara në botë
Deri më tani, piktura më e shtrenjtë e shitur ndonjëherë ishte “Salvator Mundi” nga Leonardo da Vinci për një vlerë befasuese 450.3 milionë dollarë – më 2017. E krijuar rreth fundit të shekullit XV, portreti i da Vincit i Jezu Krishtit mendohej të ishte një kopje e pikturës origjinale derisa u rizbulua dhe u restaurua në vitin 2011.
Piktura të tjera të famshme, duke përfshirë “Les Femmes d’Alger” të Pablo Picassos dhe “Nu couché” të Amedeo Modiglianit, të dyja u shitën për mbi 170 milionë dollarë në ankande të veçanta më 2015.
Piktura më e fundit që hyri në “Top 10” ishte “Meules” e Claude Monet, e cila u shit në shtëpinë e ankandeve Sotheby’s për 110.7 milionë dollarë në maj të vitit 2019.
Konteksti historik, origjinaliteti, aftësia dhe fama e artistit janë vetëm disa nga arsyet e shumta pse një vepër arti vlerësohet ashtu siç është. Shumica e blerësve të këtyre pikturave me çmime të jashtëzakonshme i trajtojnë ato si investime konkrete, duke shpresuar se vlera e tyre do të rritet me kalimin e viteve.
Vepra: “Salvator Mundi” (realizuar më 1490-1500)
Autor: Leonardo da Vinci
Çmimi: 450 milionë dollarë (në vitin 2017)
Vepra: “Les Femmes d’Alger” (realizuar më 1955)
Autor: Pablo Picasso
Çmimi: 179 milionë dollarë (në vitin 2015)
Vepra: “Nu couchė” (realizuar më 1917-1918)
Autor: Amedeo Modigliani
Çmimi: 170 milionë dollarë (në vitin 2015)
Vepra: “Nu couchė (sur le cotė guache)” (realizuar më 1917-1918)
Autor: Amedeo Modigliani
Çmimi: 157 milionë dollarë (në vitin 2018)
Vepra: “Three Studies of Lucian Freud” (realizuar më 1969)
Autor: Francis Bacon
Çmimi: 142 milionë dollarë (në vitin 2013)
Vepra: “Twelve Landscape Screens” (realizuar më 1925)
Autor: Qi Baishi
Çmimi: 141 milionë dollarë (në vitin 2017)
Vepra: “The Scream” (realizuar më 1893)
Autor: Edvard Munch
Çmimi: 120 milionë dollarë (në vitin 2012)
Vepra: “Young Girl with a Flower Basket” (realizuar më 1905)
Autor: Pablo Picasso
Çmimi: 115 milionë dollarë (në vitin 2018)
Vepra: “Meules” (realizuar më 1890)
Autor: Claude Monet
Çmimi: 111 milionë dollarë (në vitin 2019)
Vepra: “Untitled” (realizuar më 1982)
Autor: Jean-Michel Basquiat
Çmimi: 111 milionë dollarë (në vitin 2017)
/Telegrafi/
