Sllovenia beson se Mali i Zi ka përmbushur pothuajse gjithçka për IBAR për të filluar mbylljen e kapitujve, tha sekretari shtetëror në Ministrinë e Punëve të Jashtme të Sllovenisë, Marko Shtucin.
Ai beson se konferenca ndërqeveritare duhet të mbahet në qershor.
“Mali i Zi i ka hapur të gjithë kapitujt, që do të thotë se tani bëhet fjalë për mbylljen e kapitujve. Para kësaj duhet të plotësojë disa kushte në fushën e sundimit të ligjit. Ndër këto kërkesa kryesore ishin emërimi në drejtësi, emërimi i gjyqtarëve të Gjykatës Kushtetuese, Këshillit Gjyqësor dhe Prokurorit të Përgjithshëm. Mali i Zi i ka bërë të gjitha këto muajt e fundit,“ tha Shtucin.
Ai theksoi se zhvillimet që çuan në faktin se Mali i Zi i përmbushi praktikisht të gjitha kushtet e kërkuara nga Komisioni Evropian, filluan pas vizitës së ministrave evropianë.
“Qëndrimi ynë është se Mali i Zi ka bërë pak a shumë gjithçka, mundësisht disa detaje më shumë, por, sipas mendimit tonë, kjo konferencë ndërqeveritare duhet të mbahet absolutisht deri në verë, pra në qershor nën presidencën belge të Bashkimit Evropian,“ tha ai.
