Do të dëshiroja që diaspora malazeze në periudhën e ardhshme të investojë edhe më shumë në Mal të Zi, në mënyrë që së bashku me ju ta bëjmë Malin e Zi një vend tërheqës dhe ekonomikisht fitimprurës për investime nga diaspora.
Kështu ka thënë presidenti i Malit të Zi, Jakov Millatoviq, në një takim me mërgimtarët në Nju Jork.
“Në mënyrë që diaspora të investojë më kuptimplotë paratë e saj të fituara me vështirësi në Mal të Zi, Mali i Zi duhet të bëhet një vend ku mbretëron ligji dhe drejtësia dhe ku të gjithë janë të barabartë para ligjeve të tij. Ky është Mali i Zi siç do të doja të bëhej. Ju e di që gjërat nuk ndryshojnë brenda natës, askush nga ne nuk ka një shkop magjik. Ndryshimet nisin nga lart dhe priten nga secili prej nesh”, tha Millatoviq.
Ai shtoi se “Mali i Zi është shtëpia e të gjithë neve.“
“Në mandatin tim pesëvjeçar, dua ta bëj atë që themi shpesh, por nuk bëjmë mjaftueshëm me veprimet tona – që Mali i Zi të jetë vërtet shtëpia e të gjithëve ne, shtëpia ku të gjithë kemi lindur, të cilit ne i kthehemi gjithmonë”, tha Millatoviq.
