Kryeministri në largim Dritan Abazoviq tha se në 100 ditët e para të linjës së tragetit, shteti ka fituar mbi tre milionë euro, nga të cilat, siç tha ai, “fitimi neto është rreth dy milionë”.
“Të ardhurat e tragetit me 15 gusht 2023 janë 3,228,000 euro. Nga ana tjetër, shpenzimet për tre muaj e gjysmë që nga fillimi i grumbullimit kanë shkuar në rreth 900 mijë euro dhe kryesisht i referohen karburanteve, pagave të punonjësve, amortizimit, qirave, përshtatjes së bregdetit etj. Kjo do të thotë se në vetëm 100 ditë (faturimi filloi më 5 maj) shteti ka marrë mbi dy milionë euro fitim neto, që është 10 herë më shumë se sa ka marrë në baza vjetore, ndërsa linja menaxhohej nga një kompani private”, ka shkruar Abazoviq në rrjetin Twitter.
Ai falënderoi ministren e linjës Ana Novakoviq Gjuroviq, të gjithë kolegët e tij nga Qeveria, drejtorin e NP “Të Mirat Detare” Mlladen Mikel, kryetarin e Bordit të Drejtorëve Blazho Ragjenoviq, si dhe punonjësit e NP “Të Mirat Detare” për, siç theksoi ai, “një sipërmarrje e jashtëzakonshme biznesi që është vërtet diçka për t’u krenuar”.
“Dora e drejtësisë nuk ndalet, ne punojmë ekskluzivisht në interes të të gjithë qytetarëve të Malit të Zi! Ne ecim përpara, jemi në rrugën e duhur”, ka thënë ai në njoftim.
