Qeveria e Malit të Zi me mbështetjen e Guardia di Finanza italiane do të punojë për krijimin e Policisë Financiare.
Hapat e parë të bashkëpunimit u ranë dakord në një takim mes kryeministrit Millojko Spajiq dhe përfaqësuesve të një institucioni të njohur italian, të drejtuar nga gjenerali Vito Giordano.
Gjatë takimit u theksua se Qeveria ka një synim shumë ambicioz në luftën kundër krimit dhe në atë rrugë është e nevojshme mbështetja e më të mirëve, gjë që sigurisht është Guardia di Finanza.
„Ne duam të mësojmë, dhe ju jeni një shembull i vërtetë i luftës kundër llojeve të shumta të krimit. Ne duam t’i japim fund të gjitha praktikave të këqija dhe të krijojmë një Mal të Zi të ri që do të ketë zero tolerancë ndaj shkeljeve financiare. Qëllimi është të përdorim mënyrën tuaj të punës dhe ta përshtasim atë me sistemin tonë,“ tha kryeministri.
Në takim u ra dakord që fillimisht të analizohet gjendja aktuale, pas së cilës mund të punohet në përgatitjen e legjislacionit për hapjen e një agjencie të posaçme.
Gjenerali Vito Giordano theksoi se takimi dha udhëzime të qarta dhe se qëllimi i Qeverisë është shumë ambicioz dhe se nuk do të jetë i lehtë për t’u arritur, por Guardia di Finanza do të jetë një mbështetje gjatë kësaj rruge.
