Kryeministri në mandatin teknik Dritan Abazoviq tha se Qeveria së shpejti, ndoshta tashmë në seancën e nesërme, do të përgatisë planin e kursimit në përgjigje të krizës energjetike, i cili në valën e parë nuk do të vlejë për qytetarët. “Të gjithë jemi tifozojmë për një vjeshtë me shi. Nëse vjeshta nuk është me shi, ne do të gjejmë veten në probleme të konsiderueshme. Nëse ka sukses, mund të shkojmë edhe drejt efekteve pozitive, që EEMZ të ketë fitim. Ne do të shkojmë me planin e kursimeve. Ministria duhet të përgatisë një plan kursimi. Me atë plan kursimi duhet të vijnë në Qeveri, ndoshta këtë të enjte, por patjetër së shpejti. Duhet të shohim se të gjithë – e kam fjalën për hapësirat publike, komunat, Qeverinë, kjo nuk do t’i përfshinte qytetarët në valën e parë, se do të kursejmë energjinë elektrike”, tha Abazoviq në programin e mëngjesit të RTMZ. Siç shtoi ai, kjo nuk është diçka që është shkaktuar nga Mali i Zi. “Deri tani furnizimi ynë ka qenë i patëmetë, i cilësisë së lartë. Ne duhej të ruanim produktin tonë turistik. Për dimër duhet të rrisim në maksimum kujdesin. Shpresoj se nuk do të arrijmë në kolaps”, tha Abazoviq. Pavarësisht gjithçkaje, ai potencoi se Mali i Zi duhet të fillojë ndërtimin e objekteve energjetike. “Kjo përfshin veprimet individuale të njerëzve, ndërtimin e termocentraleve solare, më të mëdhenj që do të përfshinin EEMZ dhe atë që po tentohet të bëhet me Hekuranën për të pasur territorin e tyre ku do të ndërtonin. Duhet të fillojë patjetër, nuk duhet të pritet asnjë sekondë. Duhet të jepen leje ndërtimi për projekte, të bëhen partneritete me kompani private, por sigurisht duke mbrojtur interesat e qytetarëve të Malit të Zi”, theksoi Abazoviq.
