Në Mal të Zi, në 24 orët e fundit, një person ka vdekur si pasojë e koronavirusit, ndërsa janë regjistruar 72 raste me koronavirus, njoftoi Instituti i Shëndetit Publik të Malit të Zi. Nga Instituti i Shëndetit Publik (ISHP) theksuan se laboratorët e tyre dhe të tjerë publikë dhe privatë që diagnostikojnë infeksionin me koronavirus përfunduan analizat të mërkurën dhe dorëzuan rezultatet për 978 mostra. Thuhet se deri në orën 15:00 u raportua shërimi i 56 pacientëve. Duke marrë parasysh të gjitha rastet e reja të zbuluara, si dhe numrin e të shëruarve, numri i përgjithshëm i rasteve aktualisht aktive me COVID-19 në Mal të Zi është 466.
