Drejtoria për Çështje të Inspektimit gjatë vitit të kaluar ka kryer 124.58 mijë inspektime dhe ka vendosur gjoba në vlerë prej më shumë se katër milionë euro, tha ushtruesi i detyrës së drejtorit Ilir Harasani. “Shifra prej katër milionësh nuk është as pesë për qind e kontributit tonë në buxhetin e shtetit, por fakti që kemi arritur të ridrejtojmë apo dërgojmë 95 për qind të subjekteve të mbikëqyrura në flukse ligjore është një kontribut i pamatshëm”, tha Harasani në prezantimin e Raporti për vitin e kaluar. Sa i përket inspektimeve individuale, Tregu ka kryer mbi 40 mijë inspektime, me pothuajse katër mijë parregullsi të identifikuara dhe pesë mijë urdhëra kundërvajtëse në vlerë prej 1.19 milionë euro. Sipas Drejtorisë për Çështje të Inspektimin, Inspeksioni Shëndetësor dhe Sanitar ka kryer 33.43 mijë kontrolle, ka konstatuar 1.42 mijë parregullsi dhe ka lëshuar 986 vendime për kundërvajtje në vlerë prej 339.79 mijë euro. Ai tha se kur mori detyrën e drejtorit një vit më parë, gjeti një situatë të palakmueshme në organ, pasuar nga pandemia e koronavirusit dhe gjendja e keqe ekonomike.
