Kryeministri i Malit të Zi Millojko Spajiq foli pasi Kuvendi mbrëmë miratoi Ligjin për parandalimin e pastrimit të parave dhe financimit të terrorizmit, si dhe ndryshimet në Kodin Penal.
Qeveria përcaktoi së fundmi ndryshimet në atë ligj dhe në Kodin Penal pasi Spajiq paralajmëroi se, nëse Mali i Zi përfundon në „listën gri“ të Task Forcës së Veprimit Financiar (FATF), do të ketë probleme me huamarrjen, bashkëpunimin me institucionet financiare ndërkombëtare dhe të bërit biznes me kompani të huaja, por edhe me reputacion politik.
“Hapat e parë janë ndërmarrë, si reagim i shprehur i Qeverisë u propozua Ligji për Parandalimin e Pastrimit të Parave dhe Financimit të Terrorizmit dhe ndryshimet në Kodin Penal, të cilat u miratuan menjëherë nga Kuvendi. Unë personalisht do të marr pjesë në seancën e Manival në Strasburg, në mënyrë që ata të bëjnë një përpjekje shtesë dhe të shmangin një listë gri që do të kërcënonte reputacionin tonë dhe do të na ngadalësonte në rrugën drejt BE-së. Tashmë kemi treguar gatishmërinë tonë për të përmbushur të gjitha kërkesat “, ka shkruar Spajiq në rrjetin social X.
