Shumica e partive parlamentare janë të gatshme të vazhdojnë bisedimet për të arritur një konsensus për emërimet në drejtësi, tha presidenti i Malit të Zi Millo Gjukanoviq. “Kam njoftuar se në ditët në vijim, mund të them se tashmë ka filluar, do të kemi komunikim me të gjitha partitë parlamentare për dy tema”, tha Gjukanoviq për gazetarët pas akademisë ceremoniale për shënimin e 50 vjetorit të punës së Unionit të Komunave. Ai tha se tema e parë do të jetë nëse, pavarësisht dyshimeve për të ardhmen e qeverisjes aktuale, mund të vazhdohet me diskutimet për vendosjen e konsensusit të dy të tretave në Kuvend për marrjen e vendimit për ndërtimin e disa organeve gjyqësore. “Kam një njoftim nga shumica e partive parlamentare se janë të gatshëm të vazhdojnë bisedën për atë temë, të arrihet konsensusi i nevojshëm dhe të merren ato vendime”, tha Gjukanoviq. Ai tha se në të njëjtën kohë do të diskutohet se si do të procedohet vendimi i Partisë Demokratike të Socialistëve për refuzimin e mbështetjes për Qeverinë. “Ne do të diskutojmë me partnerët se si e shohin ata këtë proces, sepse ju e dini se ka dy mundësi – votimi i mosbesimit ndaj Qeverisë dhe shkurtim i mandatit të Kuvendit”, tha Gjukanoviq. Ai tha se kontrata mes Malit të Zi dhe Kishës Ortodokse Serbe nuk mund të jetë kontratë me dimension ndërkombëtar. “Ka një kontratë të tillë, me Selinë e Shenjtë. Të gjitha të tjerat janë midis Malit të Zi dhe komunitetit fetar. Prandaj nuk mendoj se do të ratifikohet në Kuvend”, tha Gjukanoviq.
