Komisioni për Sistemin Politik dhe Gjyqësorin nuk e mbështeti Projektligjin për Ndalimin e Organizatave Nacionaliste Fashiste dhe Ushtarake dhe përdorimin e simboleve të tyre, të propozuar nga kryetari i Partisë Liberale Andrija Popoviq. Tre deputetë votuan për propozimin ndërsa pesë prej tyre abstenuan. Propozuesi i ligjit dhe lideri i Partisë Liberale, Andrija Popoviq, në fillim të seancës tha se jemi të obliguar ta ruajmë vlerën e antifashizmit. Ai shpjegoi se ligji rregullon ndalimin e manifestimeve që nxjerrin në pah simbolet apo shenjat apo çdo veprim tjetër të organizatave, shoqatave dhe individëve fashiste që cenojnë në çfarëdo mënyre të drejtat apo liritë kushtetuese të qytetarëve.
