Lideri i Listës Shqiptare, Nik Gjeloshaj tha se duhet të bashkëpunojë me çdo qeveri të ardhshme, por edhe me opozitën, duke deklaruar se partitë që e përbëjnë atë do të vendosin për statusin e tyre pas shpalljes së rezultateve përfundimtare.
Gjeloshaj theksoi se ata janë gjithmonë të hapur për bashkëpunim dhe dialog, por askujt nuk do t’i bëhet dekor.
“Secili nga vendimet tona do të jetë i vështirë, por ne duhet të marrim përgjegjësi. Partitë shqiptare nuk kanë bërë kurrë një gabim që nga viti 1990 e deri më sot, unë besoj se as brezi ynë nuk do të bëjë”, tha ai.
Ai beson se asnjë komunitet pakicë nuk duhet të ketë statusin e “opozitës zyrtare”. “Kështu që ju mund të jeni opozita zyrtare, por bashkëpunimi duhet të ekzistojë”, tha Gjeloshaj.
Ai deklaroi se shumica e re, pas zgjedhjeve parlamentare, ka ftuar vazhdimisht pakicat të jenë në qeveri përmes mediave.
“Nga ana tjetër, Dritan Abazoviq, si anëtar i pakicës shqiptare, sulmoi pakicat në pothuajse çdo intervistë deri më 30 gusht, madje edhe pas kësaj”, tha Gjeloshaj.
Ai mendon se kjo nuk është korekte, dhe i bëri thirrje Abazoviqit që të ndalojë, siç deklaroi ai, të jetë mjaft i kulturuar dhe i guximshëm dhe të kërkojë falje për deklarata të tilla.
“Gjithashtu, unë dua të demantoj tezën se partia më e fortë shqiptare është Partia Demokratike e Socialistëve, dhe se shumica e shqiptarëve votojnë për të. Kjo nuk është e vërtetë sepse mbështetjen më të madhe për listën shqiptare e dhanë shqiptarët,” tha Gjeloshaj.
Kjo, siç deklaroi ai, përfaqëson pothuajse 40 përqind, së bashku me listën tjetër shqiptare “Bashkë nji za”, ndërsa mbështetja totale e partive shqiptare është 65 përqind e të gjithë shqiptarëve.
Ai deklaroi se kryesisht mendon për projekte zhvillimi në vendet ku jetojnë shqiptarët, pavarësisht nëse janë pjesë e shumicës parlamentare apo jo.
Gjeloshaj kujtoi se pothuajse nuk ka shtet në Evropë, ku pakicat nuk janë pjesë e qeverisë.
“Një shembull i shkëlqyeshëm është shteti i Kosovës, ku serbët dhe pakicat e tjera janë përbërës të pushtetit”, përfundoi Gjeloshaj.
