Më së voni nga viti i ardhshëm, pensionistët që marrin pensione proporcionale do të kenë trajtim dinjitoz nga Mali i Zi, si të gjithë pensionistët e tjerë, tha kryeministri i Malit të Zi Millojko Spajiq.
Spajiq ka shpjeguar se deri më tani nuk kemi nënshkruar marrëveshje me vendet përreth dhe se ministrja Naida Nishiq do të nënshkruajë sot një marrëveshje me Bosnjën dhe Hercegovinën, e cila do të përmbyll të gjitha nismat rajonale.
“Ne nuk kishim se si të zbulonim se sa pensione marrin qytetarët tanë nga rajoni. Tani do të kemi informacion se sa janë pensionet e tyre dhe Mali i Zi do të paguante diferencën deri në 450 euro,” theksoi Spajiq.
Ministrja Nishiq tha se marrëveshja me Shqipërinë është në procedurë parlamentare dhe së shpejti do të jetë edhe me Bosnje-Hercegovinën dhe Rumaninë.
Marrëveshja është e rëndësishme, thotë ajo, sepse do të zbatohet për të drejtat nga sigurimi pensional dhe shëndetësor, sigurimi i aftësisë së kufizuar dhe sigurimi nga lëndimet.
“Ne do ta informojmë opinionin me kohë se kur do të përfundojë”, theksoi ajo.
