Foto: Zyra për Marrëdhënie me Publikun e Presidentit të Malit të Zi / Kancelarija za odnose s javnošću predsjednika Crne Gore
Presidenti i Malit të Zi, Jakov Millatoviq, mohoi se ka diskutuar apo rënë dakord me kryeministrin Millojko Spajiq për datën e zgjedhjeve parlamentare, duke i cilësuar këto pretendime si të pavërteta.
Ai bëri të ditur se në takimin me Spajiqin fokusi kryesor ishte përmbyllja e negociatave me Bashkimin Evropian deri në fund të këtij viti dhe nënshkrimi i Traktatit të Anëtarësimit në gjysmën e parë të vitit të ardhshëm.
Sa i përket Euro modelit, Millatoviq kërkoi publikimin e një analize të detajuar ekonomike dhe fiskale, në mënyrë që qytetarët të informohen për pasojat e tij.
Ai kritikoi mënyrën e marrjes së vendimeve të rëndësishme pa analiza paraprake dhe pa transparencë të mjaftueshme.
Presidenti shprehu gjithashtu shqetësim për ndryshimet në sistemin e pensioneve, duke paralajmëruar se shkëputja e kontributeve nga lartësia e pensionit mund të çojë në një model ku të gjithë qytetarët marrin pensione të njëjta.
