Aksioni “Çmime të kufizuara” është në ecje të plotë dhe përfshin një gamë të gjerë produktesh, dhe falë përpjekjeve të përbashkëta të Qeverisë dhe ekonomisë, qytetarët e Malit të Zi në zinxhirë të caktuar kanë në dispozicion mbi 600 artikuj me çmime të reduktuara.
“Të gjitha shitoret, të cilat kanë objekte të shitjes me pakicë me sipërfaqe totale mbi 600 m2, e kanë përmbushur detyrimin nga Vendimi për Kufizimin e Marzhit, dhe kjo ka rezultuar në ulje për të mirën e qytetarëve të Malit të Zi”, njofton kabineti i zëvendëskryeministri për Politikë Ekonomike, Nik Gjeloshaj.
Siç theksuan ata, në një nga zinxhirët e shitjes me pakicë, diferenca e çmimeve para dhe pas fillimit të promocionit për artikujt individual arrin deri në 48 për qind dhe kur shikohet shporta e konsumit që përfshin të gjithë artikujt, ulja mesatare e çmimit është rreth 20 për qind.
“Përveç kësaj, zinxhirët e shitjes me pakicë kanë pasuruar më tej ofertën e produkteve me çmim të volitshëm duke ruajtur promovimet e tyre të zakonshme, gjë që ka zgjeruar më tej përzgjedhjen e artikujve të përballueshëm, e cila është veçanërisht e dobishme për qytetarët”, shtojnë ata në njoftim.
Në këtë kontekst, siç thanë ata, është e rëndësishme të theksohet mbështetja për prodhuesit malazezë, e cila jo vetëm stimulon ekonominë vendase, por thekson rëndësinë e përdorimit të produkteve nga Mali i Zi. P
roduktet vendase zënë një vend të veçantë në këtë nismë, duke lejuar që më shumë fonde të mbeten në komunitetin vendas dhe të kontribuojnë në zhvillimin e ekonomisë vendase.
“Inspektimet e tregut rregullisht kontrollojnë objektet, ndërsa për mosrespektim të Vendimit janë paraparë gjoba”, thuhet në njoftimin e Qeverisë.
