Ushqimi në tregun malazez është i sigurt për përdorim, i plotëson parametrat e cilësisë të përcaktuara me rregullore, por kontrolli është forcuar për shkak të shfaqjes së hershme të shiritave në thertore të caktuara në Komunën e Plavës, tha drejtori i Administratës për Siguri Ushqimore, Çështje Veterinare dhe Fitosanitare, Vlladimir Gjakoviq.
Të rikujtojmë se, në mesin e dhjetorit të vitit të kaluar, inspektorët veterinar konstatuan cisticerkozë – sëmundje e rrezikshme parazitare në 23 dele dhe bagëti – në Plavë, dhe Gjakoviq deklaron se kjo situatë ka ndodhur përsëri, por në një masë më të vogël.
Punonjësit e Administratës kanë reaguar me kohë.
Ushqimet e rrezikshme, si mishi, vezët dhe produktet e qumështit, kontrollohen gjithashtu.
Gjakoviq thekson se siguria dhe cilësia nuk janë e njëjta kategori dhe se siguria është gjithçka që nuk dëmton shëndetin e popullatës dhe se cilësia i referohet disa parametrave që duhet të plotësojë një produkt për të dalë në treg.
Të gjitha ushqimet me origjinë shtazore i nënshtrohen veçanërisht kontrolleve mikrobiologjike, ndërsa frutat dhe perimet e freskëta kontrollohen për parametra kimikë, veçanërisht për praninë e mbetjeve të pesticideve.
