Dje në Kosovë janë mbajtur zgjedhjet parlamentare, ku sipas Komisionit Qendror të Zgjedhjeve, të drejtën e votës e kanë ushtruar 675 mijë e 950 qytetarë, që përbën 34,49% të elektoratit të regjistruar.
Sipas rezultateve, Vetëvendosje ka marrë 42,9% të votave dhe ka siguruar 48 mandate. Në vendin e dytë renditet Partia Demokratike e Kosovës me rreth 21% dhe 24 mandate, ndërsa e treta është Lidhja Demokratike e Kosovës me 17,6% dhe 20 mandate. Në vendin e katërt është Aleanca për Ardhmërinë e Kosovës me 7,1% dhe 8 mandate.
Krahasuar me zgjedhjet e 28 dhjetorit 2025, Vetëvendosje ka shënuar rënie rreth 7%, PDK-ja ka mbetur në nivele të ngjashme, LDK-ja ka shënuar rritje prej rreth 4%, ndërsa AAK-ja ka rritur përfaqësimin me rreth 2%.
Lista Serbe ka marrë 6,17% të votave dhe, sipas kryetarit të saj Zllatan Ellek, ka fituar 10 mandate.
Rezultatet mbeten ende preliminare, pasi nuk janë numëruar votat e diasporës, votat me kusht, votat e personave me aftësi të kufizuara dhe votat nga rastet e veçanta, përfshirë të burgosurit dhe personat që nuk kanë mundur të votojnë në qendra votimi për arsye shëndetësore.
