Gjithmonë kanë ekzistuar mëdyshje se a duhet ngrënë apo jo para stërvitjeve
Por, rezultatet e hulumtimeve të fundit tregojnë se mënyra më e mirë për të shënuar progres është duke mos ngrënë para stërvitjeve.
Rezultatet e hulumtimeve të publikuara në revistën ‘American Journal of Physiology’ deklarojnë se mënyra më efektive për të djegur dhjamin është duke mos ngrënë para stërvitjeve.
Për këtë studim, shkencëtarët i kishin analizuar një grup të meshkujve mbipeshë të cilët kishin ecur 60 minuta në stomak të zbrazët, transmeton Telegrafi.
Rasti ishte përsëritur por herën e dytë meshkujt kishin ngrënë, dhe kishin qenë të furnizuar me kalori e karbohidrate.
Mostrat e tyre të gjakut ishin marrë në të dyja rastet para stërvitjeve dhe pas stërvitjeve.
Rezultatet pastaj kishin treguar se kur ata kishin bërë aktivitet fizik në stomak të zbrazët, trupi e kishte përdorur dhjamin si burim të energjisë dhe kështu ata kishin shkrirë më shumë dhjam.
Ndërsa në rastin e dytë, trupi i kishte shfrytëzuar karbohidratet si burim të energjisë dhe dhjami kishte vazhduar të mbeste në dhjam. /Telegrafi/
