Ministri i Administratës Publike Marash Dukaj dy ditët e ardhshme do të marrë pjesë në seancën plenare të Komisionit të Venecias, ku do të shqyrtohet Projektligji për Qeverinë, të cilin Mali i Zi ia dërgoi Komisionit për mendim.
Siç njofton Ministria e Administratës Publike, Dukaj do të udhëheqë delegacionin malazez në Venecia për dy ditët e ardhshme.
Dukaj ka thënë më herët, pas takimit me përfaqësuesit e Komisionit të Venecias, se nuk kanë pasur vërejtje që do të ndikonin dukshëm në strukturën e Projektligjit për Qeverinë.
Ai tha se shpreson që deri në fund të tetorit ligji për Qeverinë të jetë para deputetëve.
