Presidenti i shtetit, Jakov Millatoviq, tha se zgjedhjet lokale konfirmuan se qytetarët e kryeqytetit, ku një e treta e popullsisë së përgjithshme të Malit të Zi ushtrojnë të drejtën e tyre të votës, nuk duan vazhdimin e praktikave të këqija brenda strukturave të reja politike.
Sipas kreut të shtetit, shumica e qytetarëve kanë treguar devijimin e tyre nga kjo politikë duke bojkotuar këto zgjedhje, duke dërguar kështu një mesazh të qartë për të gjithë se çfarë mendojnë për gjendjen aktuale të shoqërisë malazeze.
Ai shton se cilësia e politikës nuk përmbahet vetëm në pyetjen se kush e kryen atë, por edhe si kryhet.
“Qytetarët janë të lirë të mos dalin apo të dalin dhe të votojnë për ata që mendojnë se janë më të mirët”, tha ai.
Ai theksoi se Mali i Zi në vitin e kaluar ka bërë një hap të madh drejt integrimit.
“Marrja e një raporti pozitiv të IBAR-it hapi derën për hapin tjetër, i cili do të kërkojë përgjegjësi më të madhe, e që është mbyllja e kapitujve të negociatave. Pavarësisht mosmarrëveshjeve dhe politikës së përditshme, unë jam krenar për demokratizimin e shoqërisë”, tha Millatoviq.
Për të, rezultati më i mirë i zgjedhjeve lokale në Podgoricë është ringjallja e qendrës politike.
“Nuk ka dyshim që zgjedhjet në kryeqytet janë zgjedhje të vogla kombëtare. Një e treta e elektoratit jeton në Podgoricë, por ky është një mesazh tjetër i rëndësishëm – që edhe në këtë mënyrë, më duket, nuk ka tema që i motivojnë më tej qytetarët të dalin dhe mendoj se do të jetë një fokus i rëndësishëm i aktivitetit politik, duke i animuar qytetarët që të jenë pjesëmarrës aktivë në procesin zgjedhor”, tha Millatoviq.
