Foto: Ilustrim
Mali i Zi dhe Shqipëria kanë arritur marrëveshje për lehtësimin dhe përshpejtimin e kalimit të kufirit në pikat më të ngarkuara gjatë sezonit turistik veror, si dhe për vazhdimin e aktiviteteve për rindërtimin e urës pranë pikës kufitare Sukobin – Muriqan.
Në takimin e Komisionit të Përbashkët Ekspert në këtë pikë kufitare, përfaqësuesit e dy vendeve diskutuan çështje të rëndësishme lidhur me koordinimin e punimeve për riparimin e urës në përroin Kravarski, si dhe për zgjidhjen e problemeve në procedurat doganore.
U ra dakord që pala shqiptare të organizojë një takim për harmonizimin e detyrimeve dhe për përgatitjen e projektit të rindërtimit gjatë sezonit veror, ndërsa punimet pritet të përfundojnë para vjeshtës.
Gjithashtu, brenda dhjetë ditëve, ekspertët e të dy vendeve do të vlerësojnë gjendjen e urës dhe do të propozojnë masa për sigurinë dhe rregullimin e qarkullimit të automjeteve.
Në fokus të veçantë ishte sezoni turistik veror, ku u vendos që policitë kufitare dhe autoritetet përkatëse të dy vendeve të bashkëpunojnë çdo ditë për të lehtësuar kalimin e qytetarëve dhe mallrave, sidomos në pikat Sukobin – Muriqan dhe Bozhaj – Hani i Hotit.
Po ashtu, u diskutua hapja e pikave të përbashkëta kufitare Ckla–Zogaj dhe Shën Nikolla–Pulaj, si dhe ndërtimi i një ure të re mbi lumin Buna, që do të ndikojë në vendosjen e kontrollit të përbashkët kufitar.
Në fund, u dakordua edhe vazhdimi i aktiviteteve për përmirësimin dhe mirëmbajtjen e shenjave kufitare përgjatë kufirit mes Malit të Zi dhe Shqipërisë.
