Komisioni për Sistemin Politik, Gjyqësor dhe Administratë sot nuk e ka përkrahur Projektvendimin për shkurtimin e mandatit të Kuvendit të Malit të Zi, të cilin e ka dorëzuar Qeveria e Malit të Zi. Pesë deputetë (PDS dhe CIVIS) abstenuan në votimin e përsëritur të komisionit, ndërsa katër deputetë ishin pro shkurtimit të mandatit. Në seancë në emër të propozuesve, ministri Jakov Millatoviq tha se zgjidhja e vetme demokratike për tejkalimin e situatës aktuale politike është shkurtimi i mandatit të Kuvendit, me çka do të krijohen kushte për zgjedhje të parakohshme parlamentare, së bashku me zgjedhjet lokale.Edhe deputeti i FD-së Sllaven Radunoviq tha se zgjedhjet janë zgjidhja më e drejtë. Deputeti demokrat dhe kryetar i Komisionit Momo Koprivica tha se do të ishte mirë që këshilli aktual ta ushtrojë pushtetin deri në vitin 2024 dhe se janë të hapur për hyrjen e pakicave në Qeveri.
