Marrëdhëniet mes Malit të Zi dhe Kosovës janë miqësore pa pyetje të hapura, tha kryeministri i Malit të Zi Dritan Abazoviq gjatë një bisede me kryeministrin e Republikës së Kosovës, Albin Kurti.
Bashkëbiseduesit shprehën vendosmërinë e tyre që të dy vendet të punojnë në projekte të përbashkëta infrastrukturore.
Takimi kokë më kokë i dy kryeministrave u mbajt në prag të forumit të dytë ekonomik në Shkup.
“Në kontekstin e bisedimeve të fundit në Bruksel ndërmjet Beogradit dhe Prishtinës, kryeministri Abazoviq përsëriti qëndrimin se Mali i Zi vlerëson përpjekjet e fqinjëve tanë dhe komunitetit ndërkombëtar dhe se mbështet një zgjidhje të përhershme për rajonin, në kënaqësinë e të gjitha palëve,“ thuhet në deklaratë.
Abazoviq theksoi se Mali i Zi trashëgon një politikë të fqinjësisë së mirë, të bazuar në respektin e ndërsjellë, bashkëpunimin ekonomik dhe lidhjen më të mirë infrastrukturore, duke bërë përpjekje që të gjitha vendet e Ballkanit Perëndimor të futen në Bashkimin Evropian.
Kryeministri i Maqedonisë së Veriut, Dimitar Kovaçevski zhvilloi një takim me homologun e tij malazez, Dritan Abazoviq.
Në takim, të dy kryeministrat trajtuan marrëdhëniet bilaterale midis Maqedonisë së Veriut dhe Malit të Zi, për të cilat së bashku u konstatua se janë në vazhdimësi janë miqësore dhe pa çështje të hapura.
“Kovaçevski dhe Abazoviq shkëmbyen mendime për thellimin e mëtejmë të bashkëpunimit të deritanishëm, bazuar në miqësinë tradicionale dhe partneritetin e fortë strategjik. Në këtë drejtim është planifikuar detektimi i fushave ku ka hapësirë për forcimin e bashkëpunimit dypalësh”, thuhet në njoftim.
Njëkohësisht në takim, sipas njoftimit, u diskutuan mundësitë për thellimin e bashkëpunimit ekonomik në disa sektorë, shkëmbimin tregtar dhe pjesëmarrja e përbashkët në tregjet e treta.
Kryeministrat e Maqedonisë së Veriut dhe Malit të Zi gjithashtu theksuan bashkëpunimin e suksesshëm në kuadër të NATO-s.
