Mali i Zi dhe Republika e Bullgarisë kanë marrëdhënie tradicionalisht miqësore, por ka vend për përmirësimin e bashkëpunimit sidomos në fushën e ekonomisë, vlerësuan Presidenti i Malit të Zi, Filip Vujanoviq dhe kryetarja e Komitetit të Punëve të Jashtme të Asamblesë Kombëtare të Republikës së Bullgarisë, Xhema Grozdanova. Siç kumtohet nga kabineti i Vujanoviq, presidenti malazez shprehu vlerësimin e tij për marrëdhëniet miqësore mes Malit të Zi dhe Bullgarisë, të cilat, siç tha ai, konfirmohen vazhdimisht nga takimet intensive në nivel shtetëror. “Ai i shprehu mirënjohjen ndaj Bullgarisë për përpjekjet e saj të sinqerta për të përshpejtuar pranimin e vendeve të Ballkanit Perëndimor, në Bashkimin Evropian, i cili është edhe një nga prioritet e presidencës së saj me Këshillin e Bashkimit Evropian, duke theksuar një fushë të gjerë përmirësimi të bashkëpunimit mes dy vendeve, veçanërisht në fushën e ekonomisë dhe gatishmërinë e Malit të Zi për angazhim të plotë në atë drejtim”, thuhet në kumtesë.Siç kumtohet Vujanoviq, theksoi rëndësinë e bashkëpunimit parlamentar dhe shprehu mirënjohje ndaj Asamblesë Kombëtare të Bullgarisë për mbështetjen e procesit të pranimit të Malit të Zi në Bashkimin Evropian. Grozdanova u pajtua me vlerësimin e marrëdhënieve dypalëshe dhe nevojën për të përmirësuar bashkëpunimin ekonomik. Ai e përgëzoi Malin e Zi, për arritjet siç tha ai në proceset e integrimeve evropiane, duke vënë në dukje se shumë punë tashmë janë bërë. Ai me këtë rast e vlerësoi Malin e Zi, si një faktor stabilizues në rajon, duke theksuar se anëtarësimi i saj në NATO ishte një kontribuues i madh në këtë drejtim.
