Këtë propozim e paraqitën Shoqata e Shkrimtarëve të Malit të Zi, Instituti për Kulturë Serbe dhe Shoqata e Shkrimtarëve Serbë të Malit të Zi.
Propozimi i është dërguar Vujanoviqit nga Novica Gjuriq nga Shoqata e Shkrimtarëve të Malit të Zi, Nikola Marojeviq, nga Instituti për Kulturë serbe dhe Shkrimtari Beqir Vukoviq , të cilët i kërkuan atij të përdorë mekanizmat ligjorë lidhur me rastin e Knezheviq dhe në këtë mënyrë të kontribuojë në qetësimin e tensioneve.
Në përgjigjen e Vujanoviq të publikuar në faqen e internetit të Presidentit të MZ, thuhet se sipas nenit 7 të Ligjit për amnisti, kërkesa për amnisti mund të paraqitet nga personi i dënuar, bashkëshorti apo bashkëshortja, një i afërm i gjakut në linjë të drejtë, vëllai, motra, apo personi me të cilin jeton personi i dënuar në një bashkësi jashtëmartesore.
Vujanoviq kujtoi se ky ligj parashikon që kërkesa për amnisti ti dorëzohet Ministrisë së Drejtësisë dhe se nëse i është dorëzuar ndonjë organi apo subjekti tjetër, do ta paraqesë atë pa vonesë në atë departament.
