Foto: predsjednik.me
Mali i Zi synon të nënshkruajë Traktatin e Anëtarësimit në Bashkimin Evropian deri në verën e vitit 2027, me synimin që anëtarësimi i plotë të realizohet deri në vitin 2028, deklaroi presidenti i vendit, Jakov Millatoviq, pas takimit me komisioneren evropiane për Zgjerim, Marta Kos.
Ai theksoi se Mali i Zi duhet të ruajë ritmin e mbylljes së kapitujve negociues dhe të përmbushë reformat e nevojshme, ndërsa pas nënshkrimit të traktatit do të pasojë procesi i ratifikimit në shtetet anëtare të BE-së.
Kos vlerësoi se Mali i Zi ndodhet në një moment historik të integrimit evropian, duke deklaruar se zhvillimet aktuale janë „për librat e historisë“.
Millatoviq theksoi gjithashtu se përmbyllja e negociatave kërkon konsensus të gjerë kombëtar dhe forcim të institucioneve demokratike.
„Është përgjegjësia jonë t’i përfundojmë reformat dhe të dëshmojmë se jemi të gatshëm për anëtarësim. Rruga evropiane e Malit të Zi duhet të jetë një detyrë e përbashkët shtetërore“, deklaroi ai.
