Foto: Qeveria e Malit të Zi / Vlada Crne Gore
Kryenegociatori i Malit të Zi me Bashkimin Evropian, Predrag Zenoviq, ka deklaruar se zgjidhja e çështjeve të hapura mes Podgoricës dhe Zagrebit është e rëndësishme për përfundimin e negociatave të anëtarësimit të vendit në BE.
Duke komentuar raportimet për ndryshimin e përfundimeve të Këshillit Evropian lidhur me Malin e Zi, pas kërkesës së kryeministrit kroat Andrej Plenkoviq, Zenoviq tha se këto çështje nuk janë të reja dhe se të dyja palët duhet të gjejnë zgjidhje përmes dialogut konstruktiv.
Ai theksoi se Mali i Zi synon të mbyllë të gjithë kapitujt negociues deri në fund të këtij viti dhe të bëhet anëtar i BE-së deri në vitin 2028. S
ipas tij, mosmarrëveshjet dypalëshe duhet të ndahen sa më shumë që të jetë e mundur nga procesi i zgjerimit të Bashkimit Evropian, ndërsa, kur kjo nuk është e mundur, të dyja vendet duhet të veprojnë në mënyrë konstruktive.
Zenoviq shprehu besimin se dialogu mes dy shteteve do të japë rezultate pozitive, duke nënvizuar se çështjet e hapura duhet të zgjidhen me vullnet të mirë dhe në frymën e marrëdhënieve të fqinjësisë së mirë.
