Foto: Ilustrim
Fatura mesatare e energjisë elektrike për familjet në Mal të Zi gjatë muajit gusht ishte 49.31 euro, njoftoi Elektroekonomia e Malit të Zi (EEMZ).
Familjet kanë konsumuar 173.6 milionë kWh energji elektrike, që është 17.48% më shumë se në korrik dhe 21.25% më shumë krahasuar me gushtin e vitit të kaluar.
Fatura mesatare më e ulët u regjistrua në Plavë, me 21.68 euro, ndërsa konsumi më i lartë ishte në Ulqin, ku fatura mesatare arriti në 89.11 euro.
Rreth 51.57% e familjeve do të marrin faturë deri në 30 euro, ndërsa 10.32% do të paguajnë mbi 100 euro.
Në kuadër të programit “Ekipi i Artë”, 117,336 konsumatorë përfituan zbritje prej 38% në energjinë aktive, ndërsa 67,285 konsumatorë përfituan zbritje prej 21.5%.
