Tensionet e reja mes Shteteve të Bashkuara dhe Iranit kanë tronditur tregjet ndërkombëtare, duke nxitur rritjen e çmimeve të naftës dhe rënien e bursave kryesore botërore.
Nafta amerikane u rrit me 1.5 për qind, duke arritur në rreth 87 dollarë për fuçi, ndërsa nafta Brent u ngjit në 91.74 dollarë për fuçi.
Rritja e çmimeve pasoi shkëmbimin e ri të sulmeve mes dy vendeve dhe paralajmërimin e presidentit amerikan, Donald Trump, se ndaj Teheranit “do të ketë një përgjigje” dhe se Shtetet e Bashkuara do ta godasin Iranin “fort”.
Sipas raportimeve, Shtetet e Bashkuara goditën raketahedhës në ishullin iranian Larak, ndërsa Teherani u kundërpërgjigj duke sulmuar objektiva ushtarake amerikane në Jordani dhe Emiratet e Bashkuara Arabe.
Frika nga një përshkallëzim i mëtejshëm i konfliktit ka shtuar shqetësimet për rritjen e çmimeve të energjisë dhe rikthimin e presioneve inflacioniste, duke ndikuar negativisht edhe në tregjet kryesore të aksioneve.
Konflikti gjashtëmujor mbetet ende pa zgjidhje, ndërsa Irani vazhdon të mbajë të mbyllur Ngushticën e Hormuzit dhe Uashingtoni vijon bllokadën ndaj porteve iraniane.
