Foto: Luka Zeković
Shefi i Delegacionit të Bashkimit Evropian në Podgoricë, Johan Sattler, vlerësoi se miratimi i propozimit për ndryshimet kushtetuese dhe marrëveshja politike mes shumicës parlamentare dhe një pjese të opozitës përbëjnë një ditë të rëndësishme për Malin e Zi dhe aspiratat e tij evropiane.
Ai theksoi se është arritur një marrëveshje politike mes pushtetit dhe opozitës, si dhe ekziston një mbështetje e gjerë ndërpartiake për ndryshimet kushtetuese, duke bërë thirrje që Mali i Zi ta shfrytëzojë këtë moment pozitiv për të përmbyllur procesin e reformave të nevojshme në rrugën drejt anëtarësimit në Bashkimin Evropian.
