Foto: Qeveria e Malit të Zi / Vlada Crne Gore
Zëvendëskryeministri për Politikë Ekonomike dhe ministër i Zhvillimit Ekonomik Nik Gjeloshaj ka deklaruar se vendimi i presidentit të shtetit për kthimin e ligjeve të harmonizuara me standardet evropiane përbën një pengesë serioze dhe të qëllimshme institucionale në procesin e integrimeve evropiane të Mali i Zi.
Ai theksoi se ky veprim tregon se viti aktual do të jetë vendimtar për rrugën evropiane të vendit dhe se në këtë proces do të shihet qartë përgjegjësia e të gjithë aktorëve institucionalë.
Sipas Gjeloshajt, shqetësuese është fakti që një pengesë e tillë ndodh në fazën përfundimtare të mbylljes së kapitujve negociues, duke theksuar se institucionet duhet të kontribuojnë në stabilitetin dhe vazhdimësinë e agjendës evropiane.
Ai shtoi se arsyetimi për kthimin e ligjeve, sipas të cilit ato nuk janë shqyrtuar mjaftueshëm, nuk qëndron, pasi sipas procedurës kushtetuese, pas kthimit të ligjeve nuk zhvillohet debat i ri, por vetëm votim.
Gjeloshaj theksoi gjithashtu se të gjitha ligjet e propozuara nga Ministria e Zhvillimit Ekonomik kanë kaluar procedurë të plotë dhe transparente, përfshirë konsultimet publike, bashkëpunimin me Komisionin Evropian dhe shqyrtimin parlamentar.
Ai theksoi se ligjet që kanë marrë “dritën jeshile” nga Komisioni Evropian janë miratuar pa ndërhyrje në Kuvend, duke dëshmar përkushtimin institucional ndaj integrimeve evropiane.
