Foto: Shutterstock
Në Mal të Zi, sistemi i njohjes së diplomave të huaja po përballet me presion të madh, pasi gjatë vitit 2025 janë dorëzuar gjithsej 13.598 kërkesa për njohjen e kualifikimeve arsimore.
Nga këto, janë zgjidhur vetëm 3.283 raste, që përbëjnë rreth 42% të totalit.
Sipas të dhënave të Ministrisë së Arsimit, Shkencës dhe Inovacionit, një pjesë e madhe e kërkesave ka të bëjë me diploma të arsimit të mesëm dhe të lartë.
Ndërkohë, janë evidentuar edhe 100 kallëzime penale për dyshime mbi diploma të falsifikuara.
Autoritetet kanë refuzuar 138 kërkesa për shkak të dyshimeve mbi institucionet arsimore ose dokumentet e paraqitura, ndërsa 158 raste janë pezulluar dhe 683 të tjera janë ndërprerë për shkak të mungesës së verifikimeve të nevojshme.
Po ashtu, mbi 4.000 kërkesa nuk janë përfunduar brenda afatit ligjor prej 30 ditësh, kryesisht për shkak të vështirësive në verifikimin e diplomave nga disa vende si Rusia, Ukraina dhe Turqia, ku shpesh mungon bashkëpunimi i institucioneve përkatëse ose përgjigjet vonohen me muaj përmes kanaleve diplomatike.
Ministria thekson se këto sfida po e ngarkojnë sistemin dhe po e bëjnë procesin e njohjes së diplomave më të ngadaltë dhe më kompleks.
