Trupi Koordinues Kombëtar për Sëmundjet Infektive vendosi, me sugjerimin e Institutit të Shëndetit Publik të Malit të Zi, të ndryshojë urdhrat e Ministrisë së Shëndetësisë në lidhje me karantinën dhe izolimin e personave që ishin ose supozohet se janë në kontakt me pacientët të cilët janë pozitivë për koronavirus i ri.
Në kumtesën e TKK-së theksohet se vetëizolimi deri në shërim, të paktën 21 ditë, u është caktuar atyre personave të cilët janë pozitivë në koronavirus, kanë simptoma të lehta ose nuk kanë aspak simptoma.
Vetë-izolimi nënkupton qëndrimin në akomodimin familjar ose në një objekt tjetër me lëvizje të kufizuar dhe monitorimin e gjendjes shëndetësore të personit për të cilin është vendosur izolimi, si dhe të gjithë anëtarëve të familjes së tij.
Gjendja shëndetësore monitorohet nga shërbimi epidemiologjik kompetent, në përputhje me vendimin e Inspektimit Sanitar.
