Foto: Vijesti
Shoqata e Transportuesve të Malit të Zi sot, pas takimit me përfaqësuesit e Qeverisë, ka marrë vendim që të ndërpresë bllokadat e trafikut të mallrave. Ata thonë se janë përcaktuar zgjidhje për një numër të konsiderueshëm problemesh, ndërsa tërheqja e kamionëve nga pikat kufitare ka filluar.
“TVSH-ja do të rimbursohet brenda afatit të parashikuar me ligj. Kemi marrë garanci që afati i tranzitit për importin e mallrave nga Mali i Zi të jetë 72 orë. Kemi marrë gjithashtu garanci se propozimi për stazh pune të favorizuar do t’i paraqitet Qeverisë për votim”, u tha pas takimit.
Problemi lidhur me akcizën mbi karburantin, sipas tyre, nuk është zgjidhur.
“Por kemi marrë premtime se të gjitha temat kryesore me partnerët evropianë, përfshirë ETIAS-in dhe akcizën mbi naftën, do të shqyrtohen me qëllim që të na stimulojnë. Zgjatja e orarit të punës së inspektorëve fitosanitarë do të vazhdojë”, theksuan përfaqësuesit e transportuesve.
