Foto: Tina Popovic
Rrethrrotullimi drejt Aeroportit të Podgoricës është bllokuar nga banorët e Zetës, të cilët kërkojnë ndalimin e punimeve në Botun dhe lirimin e qytetarëve të arrestuar në aksionin policor mëngjesin e sotëm.
Për shkak të bllokadës, trafiku ka kolapsuar, duke krijuar radhë të gjata automjetesh, dhe disa udhëtarë po detyrohen të shkojnë me këmbë drejt aeroportit.
Protestat në Botun filluan që herët në mëngjes, pas vendimit të autoriteteve për të vazhduar ndërtimin e kolektorit, megjithëse banorët e Zetës kishin votuar kundër këtij projekti në referendum.
Përveç rrethrrotullimit drejt aeroportit, janë bllokuar edhe rrugët pranë KIPS-it dhe Donja Goricës, duke detyruar qytetarët të përdorin rrugë alternative.
Protestuesit paralajmërojnë se do të qëndrojnë në vend deri në përmbushjen e kërkesave të tyre.
