Foto: Qeveria e Malit të Zi / Vlada Crne Gore
Shefja e grupit negociues për Kapitullin 4, Bojana Boshkoviq, ka deklaruar se Mali i Zi është në prag të mbylljes së këtij kapitulli – Liria e lëvizjes së kapitalit – dhe se procesi pritet të përfundojë në mesin e dhjetorit.
Ajo theksoi se ky është një nga kapitujt më të thjeshtë për vendin, pasi Mali i Zi që prej vitit 2005 ka tërësisht të liberalizuar lëvizjen e kapitalit përmes Ligjit për transaksionet me jashtë, i cili nuk ka kërkuar ndryshime gjatë negociatave.
Sipas Boshkoviq, puna gjatë viteve ka qenë kryesisht “rregullim fin” dhe harmonizim me rregullat europiane, sidomos në fushën e pagesave dhe luftën kundër pastrimit të parave, për shkak të reformave të reja që BE ka ndërmarrë ndërkohë.
Ajo theksoi se rezultatet e arritura me kapacitete të kufizuara njerëzore tregojnë përkushtimin dhe profesionalizmin e administratës shtetërore.
Boshkoviq vlerësoi se progresi në Kapitullin 4 – si dhe në kapitujt e tjerë – është dëshmi e efikasitetit të institucioneve, por edhe e punës së vështirë të nëpunësve që kanë mbajtur barrën kryesore të reformave.
