Foto: Vijesti
Presidenti i Këshillit Evropian, Antonio Kosta, i ka dërguar një letër presidentit të Malit të Zi, Jakov Millatoviq, duke e falënderuar për lidershipin dhe angazhimin në avancimin e procesit të anëtarësimit të Malit të Zi në Bashkimin Evropian.
Kosta ka vlerësuar se përkushtimi i Millatoviqit është i dukshëm dhe shumë i çmuar në nivel evropian.
Ai ka kujtuar takimin e tyre të fundit në Bruksel, ku diskutuan çështje kyçe të integrimit evropian.
Më 17 dhjetor, Millatoviq dhe Kosta do të takohen sërish për të përcaktuar hapat e ardhshëm në organizimin e Samitit BE–Ballkani Perëndimor, që do të mbahet më 1 qershor 2026 në Mal të Zi.
Kosta shprehu bindjen se bashkëpunimi i ngushtë do të sigurojë përgatitje dhe realizim të suksesshëm të këtij samiti.
