Integrimi në Bashkimin Evropian nuk është i mundur pa punën e përkushtuar të shteteve anëtare, por edhe mbështetjen e shteteve anëtare, u theksua në panelin “Presidenca e BE 2020: duke parë të ardhmen” duke shtuar se periudha pas nesh tregoi se ekziston solidaritet dhe partneritet, dhe qëllimet e përcaktuara mund të arrihen duke punuar së bashku.
Kryenegociatori vlerësoi se gjashtë muajt e kaluar ishin shumë dinamikë dhe me një numër të madh sfidash, por që ende mund të jemi të kënaqur.
“Periudha pas nesh ka treguar se solidariteti është në radhë të parë, që miqësia dhe partneriteti janë të pranishëm dhe ne duhet të jemi të kënaqur me atë. Nëse vazhdojmë të bashkëpunojmë dhe të zgjidhim sfidat së bashku, ne do të kontribuojmë në integrimin e mëtejshëm dhe forcimin e unitetit në nivelin e BE dhe me vendet kandidate,” tha Drleviq.
Ai tha se në periudhën e ardhshme, përqendrimi mbetet në fushën e sundimit të ligjit, duke kujtuar se sfidë mbetet institucionet që janë në ushtrim të detyrës.
Gordana Gjuroviq theksoi se BE ka shumë sfida, dhe se në Mal të Zi, të gjithë kanë shumë punë nga këndvështrimi i tyre, si Qeveria, ashtu edhe strukturat e saj, si dhe aktorët e njohur përmes nismës së Aleancës për Evropën.
“Le të mendojmë për integrimin, por ne i kërkojmë Evropës partneritet dhe mbështetje për të luftuar për ekonominë sa më të organizuar të jetë e mundur.”
Ambasadori i Kroacisë Veselko Grubishiq tha se gjatë presidencës së saj në BE, Kroacia ishte shumë e shqetësuar që axhenda e zgjerimit të BE ishte gjallë.
“Në një situatë të tillë, ne nuk kemi dashur të heqim dorë nga ndërtimi i një konsensusi për të hapur negociata me Maqedoninë Veriore dhe Shqipërinë. Ne nuk kemi dashur të heqim dorë nga konsensusi për hapjen e Kapitullit 8 në negociatat me Malin e Zi,” shtoi ai.
Ambasadori gjerman Robert Weber beson se sfida e madhe e presidencës gjermane do të jetë forcimi i Evropës dhe ekonomive të vendeve anëtare përsëri, por edhe përfundimi i Brexit dhe trajtimi i kornizës financiare që lidhet me rimëkëmbjen.
